فيلادلفيا نيوز نجعل الخبر مبتدأ
فيلادلفيا نيوز
محمد منصور البربري
لم أكن أعلم أنه قائد الكتيبه ٤٠٨ تدخل سريع ولم أكن أعلم أنه في سيناء ولم أكن أعلم أنه مكلوم وحزين وينفطر قلبه من الحزن بالفعل وجدته يحادثني ف الواحده صباحا ودار الحديث كالآتي
ازيك ي ابو حميد
ازيك يا قائد ياارب حضرتك تكون بخير
اخبارك ايه
الحمد لله يارب حضرتك تكون بخير
انا ي محمد كنت قائد كتيبة آخر كمين ال استشهد فيه ١٥ يا محمد
ينهار ابيض يا قائد والله كنت حاسس يارب حضرتك تكون بخير
يا محمد آل ماتوا دول أبطال يا محمد ولازم الناس تعرف بطولاتهم عايزك تكتب مقال عنهم
بس كده يا قائد عنيا يا قائد ليهم والبلد
الناس دي أبطال يا محمد
اكيد طبعا يا قائد
كان معايا عسكري فيهم قالي يا قائد اضطرب علينا مدفعيه يا قائد وكلمني كل ٣ دقائق يقولي اضطرب ميهمكش يا قائد احنا فدا البلد يا قائد اضطرب واخر مكالمه بيني وبينهم بيقولي يا قائد دول كتير والذخيرة بتاعتي خلصت يا قائد اشهد ان لا اله الا الله وشهد أن محمد رسول الله ٣مرات ولما وصلت يا محمد لقيته سلاحه ف حضنه يا محمد وهو الشهيد إبراهيم مصطفى إبراهيم من المطرية
وبطوله الملازم عبدالرحمن علي محمد وهو ف الدبابه وفجروا بيه الدبابه هو والعسكري محمد إبراهيم سعفان
كلهم أبطال يا محمد ونفسي الناس تعرف بطولاتهم اكتب مقال عنهم من فضلك
عنيا يا قائد انا معاك يا قائد ومش كده وبس هذا القائد المصري العظيم قال لي والله يا محمد انا مروحتش لازم اعدي على أسرهم بيت بيت احكيلهم بطولات اولادهم واصبرهم
واتكلمنا مع بعض ف الفون لمده ١٠ دقايق وكاد ينفجر من الحزن وف يوم هييجي عليا وهقولكم بطولات المقدم ا ا قائد الكتيبه ٤٠٨ تدخل سريع المقدم الإنسان البطل ال بيعامل جنوده زي ظابطه زي الصف ال أولاده لازم يكون ليهم الشرف ان ده ابوهم
مصر لن تسقط ان شاء الله في وجود هؤلاء الابطال الشجعان وهؤلاء القاده الرجالة
وفي النهاية لابد من امن نذكر اسماء هؤلاء الابطال الذين بفضل الله ومن بعده فضلهم يعيش كلا منا في مكانه عيشه هنية
1 الشهيد ملازم بطل عبدالرحمن علي محمد
2 شهيد مقاتل بطل محمد عبدالعزيز محمد علي
3 شهيد مقاتل بطل طه ابراهيم خضيري عبدالله
4 شهيد مقاتل بطل علاء عزت عبدالله محمد
5 شهيد مقاتل بطل عبدالرحمن سليمان عبدالرحمن
6 شهيد مقاتل بطل احمد عبدالهادي فؤاد
7 شهيد مقاتل بطل عرفات عبدالمنعم محمود
8 شهيد مقاتل بطل محمود عبدالعظيم محجوب
9 شهيد مقاتل بطل محمد نصر عبدالغني
10 شهيد مقاتل بطل ابراهيم مصطفي ابراهيم مصطفي
11 شهيد مقاتل بطل حازم احمد السيد محمد
12 شهيد مقاتل بطل محمد ابراهيم جمعة سععفان
13 شهيد مقاتل بطل محمد احمد حسين سالم
14 شهيد مقاتل بطل احمد عدلي احمد حسان
15 شهيد مقاتل بطل علي حسن محمد يحي
رحمه الله على ارواحهم البريئة رحمة الله على ارواح ماتت لكي تحيا مصر
